Vind

Han bles alvorleg i fjellet i dag.

Trass i fine skiforhold frå Rise og heimatt
gjorde den sterke vinden søndagsturen til ei heller tøff naturoppleving
som fekk meg til å tenkje på
NRK sine effektfulle TV-kampanjar for fjellvettsreglane
ved påsketider i gamle dagar.

Inngangsdøra til Risehytta.

Sjølvi på Mosvarden.

Varden på Brørene. Aldri aktuelt å skrive seg inn i dag.

 Hytte ved Bigsetselet.

Ein viking i Dalsmunnen: Stian Schjelderup.



 Drev over Skafjellet. Var det liten storm i kasta , tru.

Bygda - endeleg.

RISP I BERGET

Då ser det ut til
at den nye novellesamlinga mi
kjem ut
i midten av februar.
Omslaget spelar på eit kjent (og kjært) motiv
og er (som sist)
laga av vanylvingen Øystein Vidnes.
Eg ser fram til lanseringa!

http://www.samlaget.no/nn-no/skjonnlitteratur/romanar-og-noveller/noveller/risp-i-berget/innbunden.aspx

Odd Goksøyr: Aldri så einsam (2015)

Her kjem ei ny flott tolking 

av diktet frå 1995 med fantastiske bilete frå Flø.

Nyttårshardhausar

Flott gjennomført

av dei 42 som sprang Grimstadvatnet rundt

i dag, her knipsa med mobilen ved Dyphavnkrysset,

i to minusgrader og lett snødriv.

 

!GODT 2015!

Klassisk romjulsver

 på Hareid i dag,

med 8 plussgrader 

og brånande snø i gråkvite fjell.

Eit nesten uforanderleg landskap inne i oss.

Men då eg studerte nordhimmelen i ettermiddag, 

kjende eg at noko kunne vere i ferd med å snu.

Eit raudskjer i skyene over Sula.

Ein liten blenk frå siklene inne i Berget.

Og var det ikkje ei aning skarpare luft, tru.

Så tende eg eit lys for det gamle året

medan eg håpte at det nye 

skulle bli godt.

Jul i Peparkakeskogen

Solsnu i dag

og tid for juletrehenting.

Dermed stakk

den faste komiteen til fjells.

Ovanfor Gjerdsskogen

var snøen mykje djupare enn vi hadde trudd.

Likevel hadde reven vore ute på rov.

Så var det å bakse seg i veg

opp mot Peparkakeskogen.

Her fekk vi sjå

at skilnaden på 1 grad pluss

og 1 grad minus

er nauta mykje snø.

Kjekt endeleg å kome opp

til den faste rasta under granene

for både skognissar

og troll med auge store som mandarinar.

Så ein siste sup

med kakao

før nedturen

som

(ulikt mykje anna i livet)

gjekk langt lettare

enn oppturen.

NORWEGIAN VIKINGS 50+

Grimstadvatnet Rundt,

Hareid laurdag 6. desember 2014:

Opplett, nordvest kuling (dreiande sør), 2 grader pluss.