onsdag 23. oktober 2019

LAURDAGSBOKPRAT

Komande laurdag
altså 26. oktober i bokåret 2019
kl 1500
byr NORLI bokhandel
på AMFI 
i Ulsteinvik
inn til ein bokprat
der eg skal presentere fem av årets bøker


Forutan
 min eigen roman Aldri kome tilbake
er det
Knut Ødegård sin (aller fyrste) roman Fuglespråk,
Laura Djupvik sin roman Hjartet er ingen logrande hund,
Rønnaug Kleiva sin roman Liljene på stranda
og Kjersti Bjørkmo si diktsamling
Hadde du bodd her hadde du vært hjemme nå,
som mellom anna fabulerer over kommuneslagorda
til Herøy og Ulstein


Om eg får tid,
har eg også lyst til å seie nokre ord om
Oskar Stein Bjørlykke 


si novellesamling Blikket


 Eg tippar laurdagsbokpraten 
inklusive opplesing av smakebitar
vil ta omlag ein time.

Vel møtt!


onsdag 16. oktober 2019

SAMTALE OM YLVA

Som ein lekk i Bokåret 2019
reiser eg
tysdag 22. oktober
til Vanylven folkebibliotek
i Syvde


for å snakke med Vidar Parr
om bøkene mine.

Truleg dykkar vi ned  
den siste utgjevinga mi,
Aldri kome tilbake,



men også i fleire andre,
til dømes 
Rasmus Rebellen,
basert på historia om
den sunnmørske bondeføraren
Rasmus Engelbrektsson Myklebust,
og hans tunge lagnad
i siste halvdel av 1600-talet.


Viktigast 
blir nok likevel praten om 
den fiktive staden Ylva
(muligens ikkje heilt ulik Vanylven)
som spelar ei ganske sentral rolle
i Livingstone-trilogien,
og historia om
Embret Eljasson O,
ikkje minst slik ho trer fram
i dei siste 30 sidene av 
Vegen til Neverland



Vi satsar på at
arrangementet
blir ein god miks av samtale
og små opplesingar.

Det heile startar klokkka 1900.
Eg gler meg!
Vel møtt!