PEDAGOGISK DESTRUKSJON DEL II - HJARTET

Så til sjølve hjartet 

i læraren sin kropp:

Pedagogikken.

Og då tenkjer eg ikkje berre på evna til 

å formidle

eller 

å leie eleven fram mot innsikt og forståing.

Men PAIDEIA,

sjølve fundamentet 

under:

Grunntankane 

om kva undervisning skal vere.

Verdiane. Ideala.

Desse som skal ligge i botnen 

for alt vi gjer i skulen.

Jamvel dei store

 tenkjarane 

som prøvde å vise samanhengane,

skal eg hive.

Dewey, Montessori, Bollnow og Kristvik.

For ikkje å snakke om Sokrates.

Heretter vil det ikkje vere bruk for dei.

Eg kastar ideane deira i dunken

og håper dei vil kome attende 

                                                         

til eit nytt og betre liv

som pizzaesker og drikkekartongar 

        i kantina til KS eller UDIR

eller

  Kommunal- og moderniseringsdepartementet 

                                                        si avdeling for IKT.